衝上雲宵 我要做小機師

前果排衝上雲宵熱，個個想做captain Cool! 妹妮無電視睇唔知邊個Sam哥同captain Cool，但係我地都去試下衝上雲宵扮下機師～～！今次係同K3 d同學仔一齊去，妹妮好掛住佢d朋友仔架

玩機師之前一日開左生日會，收到好多生日禮物，呢日戴起其中一隻公主手錶，佢超鐘意呀！！

10月14日，我地2點鐘集合去左飲茶，因為生日party請唔晒人，所以今日見到有d尋日無去party既同學仔，初頭見番面居然有d生保，其實有幾個尋日兒見完，不過可能人多無一齊玩，今日見面怕怕醜醜咁，但係唔駛一陣就friend過打band!

食完野已經熟到好似以前咁

見到佢地手拖手好friend咁又真係幾開心

去到集合地點，點解妹妮好似同Rio講緊數咁既？其實係妹妮話比Rio知佢好鐘意Rio送隻手錶呀

睇下呢幅相就知，佢地講緊手錶呀！！

妹妮真係好鐘意隻錶架，可以話愛不惜手呀

我地組隊好似有成15人架，有d同學仔就帶埋家姐，細妹一齊參加

boarding pass!

攞左 boarding pass，拎埋衫我地去大變身！

Da Da!! 又幾有帥氣噃

成班變晒身幾有型！但係男仔全部矮過d 女仔既？haha :D

妹妮戴埋黑超係咪成個Miss Cool咁呢？

其實點解d校服唔設計成咁呢？著起有醒目又有型，做校服都幾特別吖

集合好就排隊入場，家長就只可以係出面等咋！

家長係出面傾下偈，45分鐘後就可以入去房觀課，一入到去首先有一班小空姐迎接我地。其實呢個班可以選空姐或機師，我地個group有男有女，梗係揀機師啦。

入到房，見到個個戴晒headset，原來佢地學左好多唔同地方既名同位置，仲有機師同控制塔對答既口號

遇到要求救就要哪 mayday mayday mayday, 仲有另一個pan-pan 就係法文喎。。。好似係要補油？唔記得了

跟住考下佢地剛剛學過既地理位置

老師只要講一個城市，全班細路就撲晒埋去！！

呢張相Ryan個甫士好型呀

呢組個個舉晒手

好了，觀課後家長又要離開，佢地係入面唔知做左咩呢？放學時好似去左機場接機一樣架，大家係接機處接番d 小朋友

再出黎就派證書喇，其實除左識多左口號之外都唔係好知佢學左咩架。。。不過有套衫換下叫做過下癮啦

做小機師梗係要同媽me影下相啦！

我地成班不斷影相，因為佢地真係好有型呀！！

搵埋小空姐影相，點知影影下其中一位空姐認得妹妮，原來係同校同學仔呀。。。但係妹妮天生大隻，好似大過人好多咁

空姐仔放左學都仲丁字腳，真係學到野噃

其實媽me仲訂左d cupcake 比大人小朋友一齊食架，本來想訂個蛋糕等無去生日會既朋友可以一齊切蛋糕，但係場地裏無地方可以切餅，分餅，所以諗cupcake方便d, 唔即刻食都拎得走

又當幫妹妮搞多次迷你生日派對慶生日，個個見到有cupcake 都好開心，覺得好cute呀

大食妹即時拆開黎食啦，好多小朋友都係即時拆黎食

好彩係獨立包裝，食唔晒都分晒比朋友仔帶返屋企食

剩低既我地帶左返屋企，原來都做得幾靚架，有妹妮個名又有6歲個6字。媽me最鐘意食面果層butter cream，好好味！

除左藍／綠色配皇冠，仲有粉紅／紫色配蝴蝶。如常男仔揀晒藍色，女仔揀晒粉紅色，希望大家鐘意食得開心啦！