媽me生日飯ssss

媽me都算廣結良朋，最鐘意食同玩，所以生日都有班朋友一齊慶祝，多謝晒咁多位朋友既厚愛！！

H絲巾呀！！雖然平時好小打絲巾，但係絲巾真係超保暖，而家係時候擺條係手袋旁身，妹妮尢其鐘意！夏天出入餐廳成日都凍到死，有次好彩有條絲巾係身可以比妹妮包住，即刻暖番晒！！

呢份係May去旅行既手信，不過撞啱生日收到就當生日禮物喇 :D

十月初，呢晚去左佐敦興記避風塘晚飯！食避風塘小炒，又幾有風味！！

粉葛湯，無味精都好有味

細個時媽咪都有買東風螺返屋企煮，但係已經好多年無食過，呢晚再食帶來好多回憶呀。

 其實我地平時都間中就出黎食下飯, 搵下好野食. 呢度要預早book位至得架. 楜椒蜆, 蒸泥鯭, 椒鹽瀨尿蝦, 蒜蓉勝子, 避風塘炒蟹都好正呀!

但係壓軸呢個叉燒河粉真係好正, d河炒好薄好透, 食左好似無食一樣, 一d都唔滯, 可食多碗潻!

呢日甜品係生日蛋糕,多謝姊妹們咁有心!! 好開心呀!

今年自己第一個生日蛋糕呀, 多謝晒!!!

 

呢班食神buddy最鐘意係搵野食!!  以後繼續食多d!  :p

 

十月十八日, 雖然啱啱過左生日, 但都無礙慶祝念頭. 呢晚同一班舊同事去蘇浙匯慶祝. 因為我地有4 個壽星呀!

頭盤係甜蘿蔔, 醉鷄, 素鮑魚, 海折等 

主菜黎喇 !! 有兩味蝦仁

呢鍋火燑翅真係好大鍋呀! 比平時去飲d鍋高成陪, 而且係清湯翅, 好好味呀! 自己知道食翅好殘忍, 所以都唔想食太多. 最多都係飲多碗湯啦. 其實d味都係來自d湯..

 

因為d湯真係足料黎燉架.  難怪味道濃郁, 好正呀!

呢碟蝦籽大烏參, 真係好大舊, 而且幾入味

另外仲有隻蜜汁大原蹄

呢個叫醉香大星班, 食落有酒味, 原來係用花雕黎蒸架! 係蘇洲菜既家鄉做法喎.

仲有燻鴨, 豆苗, 同蟹粉小龍包, 其實食到最後幾碟已經飽得好緊要了.

不過幾飽都要食既生日蛋糕出場了, 全部人精神為之一震!

我地4個壽星有 10月16, 17, 19日生日, 另外仲有一個就唔記得邊日了.

my buddy Candy就係十月十六日生日, 所以可以年年都一齊慶祝 :D

呢個蛋糕做得好靚呀!!! 比妹妮個生日蛋糕仲靚呀, 早知去呢度訂啦, D公仔做得標緻好多!

 

切開入面係朱古力香蕉蛋糕, 有新鮮香蕉, 而且唔太甜, 正呀!

因為呢晚我地做左大豪客, 包晒房又叫貴餐咁, 酒樓送多左甜品比我地食.

月尾再一次生日飯. 多謝你們的禮物呀!!

 

呢晚同兩位美女去左Mango Tree食泰國野, Eldora同樣十月生日, 而Wendy個bb女過多幾日就出世喇! 可能一餐為我地3個慶祝晒

炸蝦球好香脆

個鮮魷同豬頸肉反而都好辣!

每次都唔小得既甜品, 今次叫了炸香蕉+雪糕, 仲有班蘭味糕點. 有時同朋友食下飯聚下舊catch up下真係想心樂事! 所以媽me有時都會唔痴家出下街 :p