話說某日見到groupon d email update 見到呢幾隻鬆馳熊蛋糕，覺得超靚呀！於是約埋EE一齊去學整
揀左係生日前一晚去學，可以做生日蛋糕比妹妮同自己嘛。今之係媽me第二之參加蛋糕班，對上一次係整D好pro既朱古力蛋糕，整出黎同去餅店賣晚一樣架。今之呢個3D卡通蛋糕好得意，同上次懶pro果d 好唔一樣架。
因為呢個主要係mousse cake，所以佔好小部份係海綿蛋糕。海綿蛋糕就由師傳一早整好，我地由打mousse做起
因為買coupon, 一班有成接近廿人一班
開始打mousse先
打到夠挺身又唔好太硬
加色溝好
倒入兩個半圓形模入面，加入海綿蛋糕。一層mousse一層蛋糕填到滿咁滯，又唔可以㩒得太實因為唔可以㩒匾左個蛋糕，就唔夠圓喇
雪凍大概十五分鐘就可以甩模喇，甩之前要用熱水暖一暖個鋼兜3秒，等d mousse啱啱溶就可以sir一聲tun佢出黎
試下先，有d緊張架，驚會整爛呀
點知好易就甩到出黎了。
EE整慣整熟，難唔到佢啦！
甩左出黎就係兩個半圓形mousse cake，其實我呢個都係唔夠圓架
然後要將兩個蛋糕合埋一齊，首先要揸d mousse當膠水
兩個合體啦！
再用cream 抿平d 邊
跟住就開始重頭戲, 成個課程最想學就係呢樣嘞！初初見個導師唧左幾行，都覺得有d難度咁，仲要唧足咁多行先做完，唔知自己有無咁有恆心架。點知係轉盤上唧下唧下，又覺得幾易噃
好快就唧晒成個喇，原來唔係咁難架咋！
加番對耳仔就見到初形了
耳仔再唧埋cream就搞掂了
再用其他顏色唧埋耳仔，同個鼻
黐兩片朱古力做眼仔，暫見個樣了
再加埋個人字咀
登登登戥！！！完成了 ，個樣同宣傳海報張相都幾似吖！我地呢班唔係halloween班，所以無加黑色帽
其實大部份同學都做得好似架，係差左d 樣隻隻唔同
好滿意呀，覺得都睇得下呀
我地兩隻個樣都有d唔同架，有d個鼻高d，有d個咀低d
不過一樣咁得意，第一次整算係咁啦。聽朝妹妮見到一定覺得好surprise啫！
見到隔離班做緊halloween 曲奇，都好得意架！
沒有留言:
張貼留言