暑假時我地幫妹妮order左套書枱，諗住會令坐姿好D，因為坐姿除左對腰骨之外對視力都好重要架！其實舊年暑假妹妮去朋友Cheryl屋企過夜時已經見到呢套岡村兒童家具書枱，當時妹妮K3又好似唔駛咁認真住，於是諗下先啦，一諗就諗左成年。但係可能就係因為之前張枱同張櫈位置唔啱。。。張櫈唔夠高，令佢好近睇功課間接令佢有近視？ 唉， 點知要等成兩個月至有貨，張枱都未到已經要戴眼鏡了。望到頸長，都開學了，終於有貨送了！
師傳唔駛半個鐘就砌好張枱，妹妮放學返黎見到張新枱好開心呀！即時掛好書包，攤開功課努力做！
好彩呢D日式傢俬夠晒compact， 大張D間房都擺唔落呀！ 其實而家都係勉勉強強擺得落咋。
套書枱同櫈就住細路每長高15cm就要調較一次，可以fit到180cm高都用到架！雖然個枱面唔算好大，但都足阿一個成人用，而且我地唔打算擺desktop電腦，所以OK啦
睇下妹妮幾認真做功課？真係希望佢唔係新屎坑，可以日後都咁有心機做功課同溫習啦
見佢咁認真，如果真係用到中學，套書枱就真係咩都抵番晒弓！！妹妮加油！！
Little Aerin & Eunice:
回覆刪除~張chair 可以調高啲, Aerin 長高都可以用, 這set desk and chair 幾好嘅設計!!
係呀，呢套枱可隨住高度調較， 由120cm坐到180cm都得架！
回覆刪除Many thanks for your generous sharing & we hope your daughter will enjoy her studies with the desk set.
回覆刪除