呢排都好少生日會了，上月底Phil Phil生日就有生日會。邀請時講明著最喜愛costum出場，我地多dig返一千零一件既公主裙比妹妮著！妹妮自己仲好鐘意呢條裙架，好彩件啱著，佢著左都當正自己係公主呀！
去到會場了，呢次係私人屋苑會所，妹妮超興𡚒！
嘩入到去party room， 見到個candy corner已經覺得好靚了！！！好多糖呀，而且擺得好精緻呢
影相出黎都靚過人呀！！
蛋糕出場！！
主人家請左人做face painting畫面，每次妹妮見到有畫面都爭住要比＄去，呢度免費又點會唔畫呢？
嘩！仲有小忸扭波波潻， 扭左個公主比妹妮呀，唔好話妹妮，我見到都好開心，好靚呀！
趁佢畫花面時我週圍影下相先
個蛋糕同D cupcake襯埋晒一齊好靚呀
呢個corner真係好吸引呀
咦，差不多了，就快大功告成
妹妮自已超鐘意啦，對住塊鏡猛照！
於是我地落樓下playroom玩，但係好小識得既小朋友，連主角都唔知去左邊！好彩細路仔去到呢D地方又會自己玩，又唔會悶
Aiden又太細個，先就黎兩歲，妹妮都無點同佢玩。但諗起妹妮兩歲時，好似都有跟埋D大個既姐姐一齊玩架。
由得佢自得其樂，係呢度又識到幾個落黎玩既小朋友
玩完一輪去食下野先
仲有本簽名冊可以簽名留念，而家好妮識寫字就啱晒了
d小朋友陸續番晒黎，其實佢地都唔係點食野，都係圍住張枱夾下糖多D
到集體活動時間，玩音樂椅（即係爭櫈仔）！其實妹妮都未試過玩架，呢次係第一次咋
主角係呢個時候出現了！佢同妹妮係唯一兩個有dress up咋。其實小朋友去party, dress up 扮野好好玩吖！點解其他小朋友唔著呢？
點都好，佢地好似玩得幾開心噃！
Phil Phil d表哥大個d, 就幫手移開d椅，每次小一張，爭到最後妹妮都爭到第二名，哈哈！
其他小朋友都畫晒花面，其實呢個玩意真係好受歡迎架
出去平台花園散下步，影下相
又到切蛋糕時間了！！小朋友最開心就係切蛋糕了
咦，連Phil Phil都畫左面呀
好嘞，大家排排坐影番張大合照先！
 |
我地再落番playroom玩，妹妮又識到新朋友
Phil變左蜘蛛俠！
d女仔都唔弱，個個擒晒上屋頂！
最後妹妮玩到唔願走，好彩佢算聽話，一陣就肯返屋企
返到屋企幫妹妮洗完面先諗起無同佢合照潻，媽me都走去畫埋一份呀！！
乖乖管家婆幫我落𤕸，又抺得幾認真噃
沒有留言:
張貼留言