因工作關係, 間中都要去下上海, 平時多數去郊區但今次去市區, 而且仲有幾個同事一齊去~!
同事S一早諗定呢個係大閘蟹開鑼季節, 無理由唔食吖! 今年可能唔駛再去了, 把握機會食一次先! 咁啱問過晒大陸同事, 介紹王寶和酒店入面既餐廳, 咁蹺今次我地住呢間酒店!! 方便過方便! 同事一早BOOK晒位, 點知去到餐廳先知原來王寶和都有幾間, 我地大陸同事介紹係另一間呀! 但已經唔願再周車勞頓了, 索性係呢度食算了.
睇個牌楄呢間都好似好掂咁噃!
用晒Ipad menu好hi tech呀! 個menu頁數多到你唔想睇!
準備開餐!
大合照
首先食個蟹粉豆腐煲, d豆腐似豆卜多d, 但靭靭地幾好食
就係呢幾隻了, 每人一公一乸, 好似三百幾蚊一斤 (大約兩隻)
仲點左波菜但食落似豆苗, 好味! 乳鴿有味, 但個look麻麻地.
d蟹出場喇!!!
一公一乸就係咁様, 唔算好大隻, 但會唔會咁先正宗呢?
d羔真係好好味呀! 其實我鐘意食公多d, 但待應話11月d公先最好食, 而家食乸先. 不過乸既硬羔我麻麻地, 幸好都有好多軟羔呀, 好正!!
公司對我地都幾好, d酒店都唔會太差, 以前好驚自己一個去酒店過夜, 而家練到好大膽了.
多得呢d咁 cozy既酒店, 好舒服又好安心
第朝一早既上海市, 今次比上次8月時涼好多了, 上次熱到成40度, 係條街好似入左焗爐一樣呀.
市中心既office view真係幾靚架!!
仲可以望到明珠塔呢！
Eunice:
回覆刪除~啲大閘蟹好壯觀呀!! 依啲真係去亞洲區嘅地方先有得食!!!
~你公司待遇不錯!! 間酒店好舒服呀!! 自己住都唔驚!!
~公司仲位於市中心, 去邊都方便啲!!
~你今次去上海有無買包米返香港??你記得你上次有咁做!! 哈哈~~
最近香港有D荷蘭入口既大閘蟹，不過聽講D膏有小小苦。其實我都係一年食一，兩次，去到上海又啱季節點可以唔食？！！ 今次去市中心，無機會去逛超市呀，不過好彩次次都住D好warm同cozy既酒店，真係住得安心，一個人都唔驚！
刪除