兩個婚禮

9月20，21日真係好日，我地連續去左兩場婚禮呀。兩場都有帶埋妹妮去呀，妹妮好似只去過兩場日間婚禮，但都好耐之前了。而家大個D，帶埋佢去感受一下氣紛啦。佢知道有得去觀禮已經好興𡚒了！

中秋節又甩多一隻，係第3隻牙了

呢日帶埋barbie去潻呀，不過個手袋仔大細，只可以比Barbie坐低，半個身凸左出黎。去食早餐時妹妮猛問Barbie餓唔餓，又自問自答。我扮Barbie聲答佢又嫌我把聲唔夠溫柔，要好溫柔先得喎！

又餵Barbie飲阿華田 

睇佢幾肉緊！？

 

因為無其他朋友認識，所以我地淨係出席左日間註冊儀式，無去飲呀。可能就黎打風關係，呢日已經3號風球，話‘天兔’係近年最勁颱風咁話。呢日係露天空中花園舉行，天氣好鬼熱呀，上到天枱已經開始標汗了！

未開始前我地周圍逛下先， 初初以為新娘會係出面同人social，諗諗下又係噃，應該呢埋等出場嘛！

我地就咩都影下啦

點知妹妮去完廁所出黎就撞啱新娘出場了！！我地嗱嗱聲就坐

 首先由姊妹帶頭出場

跟住一對花仔花女，話時話妹妮咁大個都未做過花女呀

新娘由夷公帶出場

 

新郎幫新娘揭頭紗，妹妮對上次觀禮都係3歲幾，無咩結婚概念，而家就知道咩叫結婚。平時都會話第日結左婚會買間大屋同我地一齊住, yaya就住basement， 做Grand Yaya, 幫手湊佢對孖仔/女。仲會請多兩個工人幫手做家務咁話！ 佢仲話第時我地同埋大肥一齊，但聽到呢度就有D傷感，因為大肥邊有咁長命吖。

禮成! 一對新人行出黎比賓客峽道歡迎。新娘係當年媽me結婚時有份做姊妹架，不過本身朋友堆唔同所以無其他common friends, 而家見到佢結婚都好開心，好安慰呀

我地就等新人既家人影晒相就可以埋去恭喜佢地同影相了

 

妹妮見D花女狂執地下D花辮佢又執埋一份 

其實係空中花園行禮真係幾靚架

終於到我地影相了！！

 

影完相我地係花園hea多一陣，妹妮話想係度行下先喎

臨走時先同妹妮去reception睇婚紗相，D相影得好靚呀！！妹妮都睇得好開心呀

之後我地兩個去左商場食yogurt解下暑，以前妹妮去返英文班個商場有呢間yogurt，佢次次都話想食架，但係已經有成兩年無去果個商場無食過了。

有得食yogurt，Barbie都要擺埋一邊呀

D鮮果又真係好好味呀！

之後一日，我地又去另一場婚宴，呢日係晚宴黎架。妹妮已經瞓定晏覺打底了，因為平時8：30上床，去飲無十一點都返唔到屋企嘛！出門前影張相先

妹妮之前去過飲了，不過係百宴，婚宴都係第一次。上次去百日宴有小丑又有candy corner，所以一D都唔悶架。

第一時間去欣賞下張婚紗相先

嘩！妹妮都有份被邀請簽名呀

叫佢搵撻空白位置，點知搵到咁遠！

原來呢度都有candy corner呀，妹妮博命夾糖同棉花糖

對新人忙住影相，我地想攝都攝唔入

唯有影自己啦

呢日都有帶埋Barbie黎架

仲猛撩Gordon叔叔同佢玩潻！

兩個突然好friend，一齊出去攞糖食，妹妮仲拎左杯fruit punch！

我地成圍都係自己友，咁好好多無咁悶呀！

妹妮話要畫幅畫，求其叫待應搵張紙黎畫下，點知佢話送比一對新人！

又真係好比心機畫架

唔知求先杯fruit punch係咪有酒精呢？我一直都無諗起，但係妹妮就超眼瞓，一邊食一邊打晒喊路。明明瞓左晏覺架，點解仲咁眼瞓呢？

直到新娘黎敬酒一刻，妹妮都仲好眼瞓，直情瞓著左，係夾硬叫佢起身一齊敬酒咋！

敬完酒之後又。。。

再瞓著過！大矇媽一直都無諗過可能係杯fruit punch有酒，因為我淨係飲左橙汁咋。不過到而家都無法知道係杯fruit punch有酒定係佢真係咁眼瞓。好彩散席時妹妮醒返可以同我行到去停車場攞車咋！