維園嘉年華ssss

妹妮11月21-26日考試，其實之前兩個星期都日日有測驗，閉關讀左兩，三個星期書，不過星期日都會唞下氣。

維園渣打嘉年華，妹妮都去左3年了。每年都有好多攤位遊戲，有小手工整下面具，帽，又有玩下遊戲，畫下花面，啱晒小朋友玩呀！

今年媽me要返工，爸B同妹妮瞓完晏覺豬後出發！去到都成3, 4 點了。下午已經好多人了，爸B話每個攤位都要排大隊，排成個鐘頭呀

好彩妹妮又無嗌攰扭計，而且仲好有耐心等候。真係大個女了，以前細個d時，企多一陣都叫攰，要抱抱，而家大個了，真係唔駛抱。

終於等到了，佢地排左個龍蝦頭帽攤位。要自己落手落腳剪剪貼貼架，睇下妹妮剪得幾專心，成個婆仔一樣！

大巧告成！！個大頭蝦帽做起了，又幾靚噃

連爸B都整左個一齊戴，哈哈！兩隻大頭蝦

因為整完大頭蝦已經成5點，d 攤位都收檔了，所以只可以係周圍影下相

呢D板比你伸個頭出黎又幾得意噃！

古靈精怪

妹妮每次都畫大花面，第一年黎玩畫左白兔，舊年畫左老虎，但今年做完手功後畫花面檔攤已收檔，好彩爸B醒目問攤位個姐姐攞小小油彩幫妹妮快趣印左個花花，否則成日玩左一樣野咋！

有個face paint，妹妮好似都幾滿意！

12月1 日  呢日東華三院又有嘉年華，於是無諚去所以又去左維園。今次醒目喇，一早就去到

呢日有好多吹氣彈床，妹妮最鐘意呀！！一見到二話不說即時就去大跳特跳

點知跳得5分鐘，所有攤位又要暫停，因為有個開幕儀式

好彩開幕儀式都有d表演睇下，有花式跳繩，妹妮睇得好興奮，因為佢仲未識跳繩架

跟住又有兒童足球表演，我地睇左一陣就去左公園玩

妹妮玩呢個都玩到好開心架，雖然係fing個圈，但已經覺得好刺激

仲玩埋雙槓，可以企係度做'一之馬'

扮蜘蛛俠？

維園可算係香港市區入面最大既公園了，如果多d草地就更好了。好天日子係度休閒hea一日，都幾舒服架。

我地返去排攤位遊戲

首先要答一題好淺既題目，然後有個兵乓球係兩條繩游過時把波跌入下面指定既洞。試左兩，三次終於成功！！

再排又一個攤位，呢次玩計數，難唔到妹妮啦！

只係簡單加數，唔駛諗都識答呀！

但係妹妮都係鐘意玩跳彈床多d，於是又去排過隊。d細路真係充滿體力，跳極都唔攰

呢個滑梯就最搵笨，排左好耐隊先有得玩，點知sir一次就無了！！

跟住我地又去公園玩多一陣，其實平時我地都無去維園玩，只係有節目先會過黎，呢度個公園都算大，又有遊樂設施 

而且又唔多人，唔駛爭又或者排一輪隊至玩得。

又要fing得高d，一高又大叫 -_-

一個普普通通既公園其實都夠佢玩到好耐了

呢個moment只維持到2秒，真係好難先影到架！

玩完公園爸B要去鰂魚涌攞野，咁蹺見到有island markets，今年EE無報名擺檔，但係都去八下有咩好買先。

Island markets 個招牌手推車，妹妮話佢扮佢賣緊野喎，幫襯下吖！

咦，有人賣北京烤鴨味簿餅，我地睇下點整算喇，成＄50幾蚊一塊架

呢日好多賣飾物既檔攤，食物好似無舊年咁多，舊年有好多自家制曲奇呀，brownies呀，湯呀咁。今次見多數係現成入口食品。d麵包好靚，不過都好貴呀，成＄50幾蚊個！！

見到棵大聖誕樹，梗係影下相先啦

逛左一個圈，無收穫呀

返到屋企玩同事係屋企摷出來送比妹妮既康樂棋，打開至知原來張棋紙係用色丁布做架，而且鋪係枱面後好平伏，正呀！！

呢晚約左舅父德同EE來食晚餐，有舅父陪妹妮捉棋

仲要第一鋪就比妹妮蠃左，佢滿心歡喜，點知第二鋪輸掉時就一個冏樣 :P

因為EE又去學整餅，個餅就梗係帶黎益妹妮啦，所以呢晚就係我地屋企食喇

嘩 個蛋糕好靚呀！！EE話整左6個鐘頭架

個做型同d顏色都好靚呀

仲有愛心聖誕曲奇

妹妮好鐘意切蛋糕，次次去人家生日會，都會攝左係蛋糕左近影相，好似佢至係壽星咁！而家又有蛋糕切喇

未切已經先興奮

切開入面都係彩虹色，三層layer由深都淺既粉紅真係好嬌艷呀，好靚呀！！因為呢d係butter cake，食落口比較硬身，同傳統香港蛋糕店既鬆軟海綿蛋糕唔同。不過係妹妮話好鐘意食個蛋糕，我就鐘意食外層既cream cheese，yummy!