N年無去過郊野公園了！對上一次好似係妹妮都未出世時，我地一班好友去左香港仔郊野公園BBQ，果次買左好多食物，又好食又好飲，印象中好開心架！不過後來妹妮出世，朋友們又有BB陸續出世，大家都好細個所以一直無去郊野公園。。。諗諗下其實唔BBQ都一樣可以去野下餐啫！ 但不經不覺大家都開始長大，11月9日，終於提起話去郊野公園BBQ了！！妹妮聽到已經好開心，仲摷埋自己珍藏既寶石貼紙當耳環戴
同事介紹去大棠郊野公園，呢日去到，真係好正呀！因為位處山上，坐在BBQ枱前一望無際，見到好遠既景色，而且風涼水冷，啱晒BBQ呀。
我地settle down後，妹妮同康然就玩左先！佢地玩hide and seek，康然僕係棵樹度倒數
妹妮居然'呢'左係櫈底！
搵到你啦！
爸B同d細路走來走去玩捉依人，又放下飛機，又玩下飛碟
呢d 唔知咩名堂，但又飛得幾高噃
放風箏了，都唔記得幾耐無放過，但舊年我地係深水埗買左隻風箏都一直係車尾箱無掂過
呢隻風箏係朋友買既，趁有d風試下放啦！
睇下爸B幾有姿勢！
不過係放唔起既
爸B同Ellie daddy 兩個大細路一味掛住玩，康然爸爸就負責透爐
終於有得燒野食喇！！通常第一時間都即刻燒腸仔，丸先，快d可以醫肚嘛
好耐無用义燒野食了，呢日天氣剛剛好又唔太熱又有d風，燒野食真係爽呀
今次都買左好多食物同飲品呀，仲有海鮮潻呀
妹妮同Ellie都自己去開餐先。
大人就繼續一邊燒一邊傾下偈，享受下大自然
呢度個風景真係唔錯呀，望到對面d大廈就係深圳了
妹妮同康然就繼續研究呢個玩意
識玩喇！飛到出去了！妹妮猛大叫我地睇下佢飛得幾遠！
Ellie就陪daddy放風箏
我地繼續BBQ，燒下又玩下又再燒下，咁先可以無咁快飽同埋hea到成日架嘛
又有新玩意，原來Ellie 媽咪帶左水槍黎吹波波
do-re-mi 即刻湧埋去玩bubble
博晒命吹呀吹，吹到眼鏡都就跌 -_-
Ellie都博命吹，其實吹波波真係細路欣物
到康然daddy放風箏，呢日時大風時細風，不過都唔算好難放
妹妮最鐘意幫手拋起佢
終於到我地買隻風箏出場喇！買左咁耐都未玩過，大開原來都幾大隻架！
嘩，隻哈哈笑好易放呀，好快就飛得起喇！！
仲好快就飛得好高潻呀
好快就飛到天空中了
飛到好高呀！！呢隻風箏可能大隻d，好似易放好多呀，但係飛得太遠，玩了5分鐘就被樹枝折繼埋線了。下次要買d有靭力小小既線至得。
燒帶子都幾好味架！！次後我地仲燒菇，蔬菜，煨蕃薯。。。
仲有萍果仔
但依落好粉，唔爽架
蕃薯出爐了
燒到尾聲，小朋友們又走左去玩。妹妮朋友比左部滑板車妹妮，但係得兩個轆妹妮未可以balance到呀，所以都係不斷踏兩下向前碌就算了。不過都好努力去試玩
到食蜜瓜，唔知點解妹妮攞左一塊後就自己搵張櫈坐埋一邊食，又唔坐埋我地張枱噃，但係 佢食得好專心咁架
跟住爸B去陪下佢啦
食飽飽do-re-mi又聚番一齊玩，佢地當自己騎緊馬！
都Ellie daddy陪玩了
玩到6點幾，天開始黑了，我地都收拾行裝返屋企了。係個環境咁好既郊野公園玩左半日，真係幾寫意架！希望好快再搞多次啦
雖然得半日活動，但回程途中妹妮已攰到瞓著了
沒有留言:
張貼留言