海洋公園遊

呢個暑假無做過D咩，不過都叫做去左一次海洋公園。但係揀正8月去真係熱得好緊要呀！！呢日同埋公公，仲有星姨同囝囝輝仔一齊去，我地點幾先到，真係晒到爆！不過難減妹妮去海洋公園既興趣。我地好耐無去過海洋公園了，對上一次好似係妹妮K2學校旅行，都有成年幾喇。

公公更加可能有廿年無黎過海洋公園喇，於是呢日叫埋佢黎，仲有埋輝仔一齊可以陪下妹妮玩。

我地已經擔晒遮，但係太陽真係好猛，好晒好熱呀

妹妮連帽都要除埋，用手巾人仔揞住塊面。第一時間梗係去水簇館參觀順便涼下冷氣啦！呢日係平日但係都要排隊，好彩條隊唔算長咋！

入到水簇館，歎下冷氣先。

又係去摸下D海星

水簇館入面其實都有幾多野睇架，D魚好靚呢

妹妮見到jelly fish 就最開心！

妹妮有本animal book介紹晒好多唔同種類既鯊魚，所以一見到呢D搥頭鯊就認得佢

因為太熱，其實連拎起相機既意欲都大大降低，所以呢日影左好小相咋。不過咁耐無黎，梗係去下新開既南極天地，呢度有好多皇帝企鵝架！

D企鵝有成米高架，真係好大隻！

呢度冷氣好勁，妹妮都話凍！

之後去埋北極，以為有北極熊潻，原來只有海獅

呢隻係海象，佢挨住個玻璃攤係度成舊石頭一樣，佢地真係超大隻！！

去完南，北極之後其實無咩室內地方可去，得返D戶外機動遊戲，我地又錯過左海豚表演時間。於是坐低食左小小野，輝仔嚷著要去玩飄流。其實我都未玩過，上之妹妮K2旅行時，佢地去左上堂，我同幾個家長已經想玩，但太多人所以無排過，今次都想玩下架。

排隊時無醒起妹妮可能唔夠高，排到一半就有哥哥拎住個架黎度高，妹妮原來已經有120cm了！！！佢可以玩喇 。呢日好多自由神，唔明點解佢地係條隊入面仍然想攝下攝下打占，真係好討厭。我地後面個幾個女人已經出聲閙左幾次都仲不斷想攝位，好彩星姐D國語好D，叫佢地係小朋友面前做過榜樣，佢地先停一停咋。

妹妮同輝仔都想玩過山車，但係我驚對妹妮黎講會太勁，所以無玩到呀，去觀光塔算啦

原來上空望落去既景色好靚架！！！

唔經唔覺已經5點幾了，我地求先搭海洋列車，回程就搭吊車啦。難得條隊唔算長呀！！

公公話廿年無坐過吊車了！上到吊車有清風足送，又幾舒服

一出吊車站就係老大街，上次K2旅行時已經見到但未開幕，呢次可以行下了

妹妮扮生果妹又幾似噃！

玩埋旋轉木馬就返屋企了，呢日太熱太辛苦了，希望下次涼小小有機會再玩過啦！