♡Little Aerin & Eunice♡->http://littleaerineunice.blogspot.com

2014年1月8日星期三

http://littleaerineunice.blogspot.com

因為之前唔知yahoo戶口都可以係度開blog，用左十年無用既gmail戶口開。但因日想email 都用yahoo，而又link 左yahoo去gmail, 所以成日要login logout, 先打到blog。最近先留意到原來可以用yahoo個戶口打blog，而且妹妮d video都用開yahoo account。所以把心一橫，趁而家仲早搬返過去yahoo戶口了。。。如果早d發現就一早係yahoo blog執笠前轉埋條forward address啦。。。所以呢，麻煩大家移玉步去新地址－－－》新地址 http://littleaerineunice.blogspot.com 以後會係果度更新了。

我地聖誕節去左美國玩呀，有好多野想寫但未有時間，得閒黎探下我地個新blog啦！http://littleaerineunice.blogspot.com

2014年1月5日星期日

又加深了

12月12日，又帶妹妮去驗眼，因為見佢成日側埋一邊睇野，應該係鏡片則邊睇得清晰d呱。加上佢話黑板都睇唔到，真係好擔心呀！今次去理大學校果邊驗

呢度有個兒童部，連裝修都得意d

經過一輪驗眼，知道妹妮又加深左了，希望唔深得咁緊要啦！妹妮8月先開始戴眼鏡，其實戴左4,5個月咋，咁快就加深，點夠佢加到大個呀？

短短幾個月，由百度加到二百度。。。好擔心呀！！醫生話同生活習慣最有關係，但係妹妮又唔睇電視又唔玩ipad 同電話。。。唯一係佢睇功課同書會好埋，要不繼提佢至得，但係係學校睇書時間最長，無我地提住我肯定佢個頭又中埋本書度！點升呢？？仲有好多年要捱架！

不過呢個中心d眼鏡又幾靚，因為唔想佢太老積，想搵d cute d既眼鏡，但市面上多數都係長方鐵框，就算係膠既都唔'得意'既。我覺得妹妮原先副紅色框效果唔錯，所以都係stick to呢個形。

呢副透明粉紅都幾靚，不過個框已經＄750, 太貴了！！

另外呢副同戴開副紅色形狀差不多，係太副d同唔同色，都ok

不過妹妮最後揀左粉紅色，媽me都覺得幾好睇，同紅色差不多一樣，淨係唔同色，戴起都幾好靚吖！只係祈求上天希望妹妮唔好再嚴重加深就好了，亞門！

2014年1月4日星期六

小音樂家聖誕演奏會（video)

臨近聖誕，節目真係多多，12月15日妹妮鋼琴老師搞左個學生鋼琴演奏會，純綷比d小朋友表演下比家人同朋友聽。妹妮今次第一次參加，不過之前都參加過比賽，其實都當係去比賽咁練習左一首歌。開頭老師話個recital係聖誕節，所以可以揀下聖誕歌，但係妹妮聽左好多首聖誕歌都唔鐘意，反而揀左首Jazz music。。。佢d 品味真係"特別"

妹妮話老師話佢知要著花女裙，好似好fluffy果d。初初已經諗好左要著咩裙，因為講明formal，所以我諗住著呢條，舊年去朗誦比賽都著過。但係上堂時聽到另一位學生話要專登去買裙，於是比張相老師睇下得唔得。老師話多數晚間表演都著長裙，show左另一學生既相，真係著花女裙架！！

於是媽me走去買左條花女裙比妹妮，我自己覺得好靚呀！妹妮見到條裙時直情雙手掩口大叫。。。好靚呀！佢試左上身都話唔捨得除落黎呀

簡直係愛不釋手呀！！妹妮好想快d到表演果日

好了，要扎起小小頭髮等佢唔好咁嬲休。妹妮指明要兩邊擯擯辮再二合為一，真係比佢考起呀

準備就緒，雖然話係表演唔係比賽，但係都下左番苦功，練左成個幾兩個月架，希望呢晚表演可以發揮到水準啦！

演奏會7點開始，所以一早去食左晚飯醫肚先

呢晚yaya都有黎，仲帶左朋友潻。本來EE都想黎但係出左差黎唔到

爸b同媽me一定牚場啦！！

另外伯父同嫲嫲都有到場

入到場因為唔太凍，幫妹妮換左件小外套，免得太論盡

製作都幾認真噃，有埋場刊架

仲有每位表演者既自我介紹潻！早知會咁印出黎我就唔係咁寫啦

小鋼琴家全部自己按次序坐一邊，我地分開坐，但係妹妮識左新朋友仔，見佢成日同隔離個女仔傾偈呀

其實呢晚有成30人表演，年齡由幾歲到十幾歲都有。當然級數都個個不同，聽到好多好聽既歌呢

而且大部份都真係著得好formal，尢其男仔多數都係著西裝

妹妮係尾二出場，真係等到頸都長呀！

妹妮彈呢首叫Red Rose Rendezvous, 媽me當然都覺得好聽，但係好奇怪點解佢揀唔到聖誕歌呢？妹妮自己就話覺得呢首歌好聽過聖誕歌咁話。妹妮呢次表演唔錯呀，無甩音，又有大細聲。妹妮之後話d琴鍵好硬，要好大力㩒至得，但係我地都好滿意了！

最後由老師同另外兩位小提琴老師一齊合奏表演

演奏會大功告成！！

每位小朋友仲有張cert同聖誕禮物架！！

全部小鋼琴家習齊大合照

妹妮話原來同佢一齊細細粒個女仔大過佢，讀二年班架。不過妹妮生得高大，睇佢個樣通常都高估佢年齡。

無啦啦比佢霸左個正中位！

2014年1月3日星期五

屋企都有許願樹！

因為今年會過美國過聖誕，於是連以往年年必攞出黎既大聖誕樹都慳番無攞出黎。反而買左棵小柏樹返黎種下，呢棵小柏樹唔同松樹架，d葉粗壯d，仲好桔手潻。媽me鐘意佢細細棵，聖誕後可以繼續種，唔駛好似真既大棵聖誕樹咁擺完個聖誕就掉左去。

裝飾呢個重任梗係比妹妮做啦！佢對棵真樹都好有興趣呀，仲比d針葉桔親手潻

但係仍然好比心機掛上吊飾

以前儲落比大樹d吊飾太大件所以掛唔到上呢棵樹，專登買左d細波波，點知掛好後都好零星。。。要買多d至得喇

妹妮仲對住棵聖誕樹許願，話比Santa知今年想要咩禮物。

既然妹妮咁乖乖，聖誕老人就早d送禮比你啦！！

嘩！超開心呀！！問佢仲有無christmas wish，佢話無喇，已經有scooter，就夠了！！

好開心妹妮好知足，一d都無貪心，感恩啊！

Winter in Disney

差唔多一年一度，我地又去迪士尼，以前多數生日去，但係今年撞啱妹妮有小測，又搞生日會，所以無時間去到。最後係考完試抽空黎玩下，雖然黎過多次，但係樂園真係好有氣紛，次次去到都好開心！！

今次黎探下Wendy姐姐

每年都有呢棵超高聖誕樹，但都要巡例影下相

妹妮對呢d特大飾物好有興趣咁噃

聖誕廚𥦬好靚呀，我特別鍾意呢個，因為幾年前影過一張到而家都好鍾意呀～～！

果時妹妮好似兩歲左右，而家睇番細個d相都覺得以前細細粒cute好多呀！

而家雖然只踏入6歲，但係成個大細路一樣了！！

近年迪士尼都開左新野，我地都未去過，好似迷離莊園咁，真係要睇下地圖至知係邊呀！

經過adventure land, 又去打下鼓

入迷離莊園前我地經過toystoryland, 爸B居然叫妹妮去玩RC Racer!! 係U型會倒後果隻過山車呀！！上年妹妮都未夠高玩，今年佢夠高玩喇，其實我有d驚架，爸B仲驚，但係又係佢自己叫妹妮去，大膽妹都未玩過梗係話好啦！我地坐第一行，上到頂果下倒後落番黎d離心力好勁，成個人拋起一樣，好驚呀！！！！妹妮猛話好刺激仲想玩多次！－＿－